ຄູເວດ : ຊາວບ້ານຕໍ່ແຖວ ລໍຖ້າທີ່ຈະໄດ້ຮັບອາຫານຢູ່ໃນເຂດທີ່ຖືກກັກຕົວ

    ຂ່າວ ຊີນຫົວ ສປ ຈີນ ລາຍງານວ່າປະຊາຊົນຊາວ ຄູເວດໃນເຂດ Mahboula ຢືນຢູ່ແຖວເພື່ອຮັບເອົາອາຫານ. ຫລັງຈາກລັດຖະບານຄູເວດສັ່ງປິດເຂດ Mahbula ແລະ ເຂດ Jab al-Shuyuk, Ahmadi ເປັນເວລາ 2 ອາທິດ ເພື່ອຄວບຄຸມການແຜ່ລະບາດຂອງເຊື້ອໄວຣັດ Corona. Covid-19.

    ກະຊວງສາທາລະນະສຸກຄູເວດໄດ້ອອກຖະແຫຼງການໂດຍຊີ້ແຈງວ່າ ໃນວັນເສົາ, ວັນທີ 11 ເມສາ, ຄູເວດ ພົບວ່າມີການເພີ່ມຂື້ນ 161 ກໍລະນີຂອງ covid-19, ສົ່ງຜົນໃຫ້ມີຜູ້ຕິດເຊື້ອທັງໝົດ 1,154 ຄົນ. ນັບຕັ້ງແຕ່ການຢືນຢັນຂອງຄົນເຈັບທີ່ມີການຕິດເຊື້ອ ໂຄວິ-19  ໃນຕົ້ນເດືອນ ເດືອນມີນາ ທີຜ່ານມາ ເຮັດໃຫ້ຊີວິດການເປັນຢູ່ຂອງປະຊາຊົນໃນປະເທດໄດ້ມີການປ່ຽນແປງຢ່າງສິ້ນເຊີງ.

     ກະຊວງສາທາລະນະສຸກຂອງປະເທດປະຕິບັດມາດຕະການຢ່າງເຂັ້ມງວດໃນການປ້ອງກັນການແຜ່ລະບາດຂອງໄວຣັດ. ໃນເວລາດຽວກັນ, ທຸກໆຖ້ຽວບິນ ກໍ່ຖືກໂຈະໄວ້ຕັ້ງແຕ່ວັນພຸດທີ 11 ມີນາ, ແລະ ຜູ້ທີ່ເດີນທາງມາຈາກປະເທດທີ່ເປັນພະຍາດລະບາດຕ້ອງໄດ້ຜ່ານການກວດສຸຂະພາບທັງໝົດ.

     ກົດລະບຽບຂອງກະຊວງ ກຳນົດໃຫ້ຜູ້ລະເມີດຖືກລົງໂທດ ຈຳຄຸກເປັນເວລາບໍ່ເກີນ 1 ເດືອນ ຫລື ປັບ ໃໝ ບໍ່ເກີນ 50 Kuwaiti Dinars (ປະມານ 1.600.000 ກີບ) ຫລື ທັງປັບໃໝ ແລະ ທັງລົງໂທດຕິດຄຸກ.